وەزارەتی بەرگریی سعوودیە رایگەیاند، 8 درۆنی لە ئاسمانی وڵاتەکەیدا تێکشکاندوە

لە ماوەی کەمتر لە کاتژمێرێکدا، دووەمجارە بە درۆنی بۆمبڕێژکراو هێرشکرایەوە سەر بارەگای نەتەوە یەکگرتووەکان لە سلێمانی. 

هەرچەندە بارەگاکەی نەتەوە یەکگرتووەکان لە سلێمانی چۆڵکراوە و هیچ کارمەندێکی تێدا نییە، بەڵام بۆ سەلامەتی گیانی هاووڵاتییان، هێزە ئەمنییەکان داوا لە هاووڵاتییان دەکەن لەو شوێنە دوور بکەونەوە کە دووەمجارە بە درۆنی بۆمبڕێکراو دەکرێتە ئامانج.

کەمێک لەمەوبەر درۆنێکی بۆمبڕێژکراو بارەگای نەتەوە یەکگرتووەکانی لە شەقامی مەلیک مەحموودی شاری سلێمانی کردە ئامانج.

بەهۆی هێرشە درۆنییەکەوە، ئاگر لە بارەگاکەی نەتەوە یەکگرتووەکان بەرز دەبێتەوە. ئەم هێرشە لە کاتێکدای پێشتر هەر لە سنووری سلێمانی هێرشی درۆنی کرایە سەر هێزەکانی یەکەی حەفتای پێشمەرگەی کوردستان.

ناوەندی قەرارگەی خاتەم ئەنبیای سوپای پاسداران هۆشدارییەکی توندی بە کۆماری ئازەربایجان دا و پێی راگەیاندووە" لە پێناو پاراستنی ئاسایشی ناوچەکە، ئیسرائیلییەکان دەربکە".

سوپای پاسداران رایگەیاند: 27ـەمین شەپۆلی مووشەکی و درۆنیی، لە چوارچێوەی ئۆپەراسیۆنی "بەڵێنی راستگۆیی 4" ئاراستەی خاکی ئیسرائیل کران.

کەمێک لەمەوبەر، دەنگی چەند تەقینەوەیەکی بەهێز لە هەولێر بیستران.

عەباس عێراقچی، وەزیری دەرەوەی ئێران دەڵێت: ئەهەر دۆناڵد ترەمپ، سەرۆکی ئەمریکا هەوڵی ئاڵۆزیی زیاتر بدات، ئەوا ئێمەش ئامادەین.

هاوکات ئاماژەی بەوە دا، پزیشکیان بە مەرجی بەکارنەهێنانی خاکی وڵاتانی دراوسێ داوای کەمکردنەوەی گرژییەکانی کرد.

دەشڵێت: ئەمریکا لە بری ئیسرائیل شەڕ دەکات، هەروەها ناتانیاهۆ دوای چەندین ساڵ لە شکست، توانی فێڵ لە ئەمریکا بکات.

وەزیری دەرەوەی ئێران، باسی لەوەش کرد، ترەمپ دەستپێشخەرییەکەی پزیشکیانی لەنێو برد.

پەیامنێری کوردستان24 رایگەیاند: ئێستا دەنگی چەند تەقینەوەیەکی بەهێز لە بەغدا بیستران، هەروەها باڵیۆزخانەی ئەمریکا لە بەغدا زەنگی ئاگادارکردنەوە لێ دەدات.

پەیامنێری کوردستان24 رایگەیاند: کەمێک بەر لە ئێستا بارەگای کەتائیبی حزبوڵڵا لە جورفولسەخر بۆردومان کرا.

سوپای پاسداران رایگەیاند: شەپۆلی 26ـەمینی مووشەکی و فڕۆکەی بێفڕۆکەوان لە چوارچێوەی ئۆپەراسیۆنی "بەڵێنی راستگۆیی 4"، ئاراستەی ئامانجەکانمان لە ئیسرائیل کرد.

ئاماژەی بەوەشدا،  "بە لەبەرچاوگرتنی لەناوچوونی سیستەمی راداری دوژمن لە کاتی شەپۆلەکانی پێشوودا، پێدانی ئامانجەکان زۆر ئاسانتر بووە و بە یارمەتی خودا هەموو ئەو مووشەکانەی کە ئاراستە دەکرێن، ئامانجی دیاریکراویان دەپێکن."