ئیبراهیم زولفەقاری گوتەبێژی بارەگای ناوەندی خاتەمولئەنبیای سوپای پاسداران دەڵێت "بە بچووکترین هێرشکردنە سەر ژێرخانی وزە و بەندەرەکانی ئێران، نەوت و گازی ناوچەکە لە ئاگر هەڵدەکێشین".

گوتیشی "لە ئەگەری هەر دەستدرێژییەکی لەو شێوەیەدا، ژێرخانی نەوت و گازی هەموو ناوچەکە، کە ئەمریکا و هاوپەیمانە رۆژئاواییەکانی بەرژەوەندییەکی تایبەتیان تێدا هەیە، گڕی پێبەردەدەین و لەناویان دەبەین".

وەزارەتی بەرگریی سعوودیە رایگەیاند، لە چوارچێوەی هێرشەکانی ئێران بۆ بە ئامانجگرتنی دامەزراوە نەوتییەکانی کەنداو، چەند هێرشێکی درۆنیان تێشکاندووە.

گوتەبێژی وەزارەتی بەرگریی سعوودیە لە تۆڕی کۆمەڵایەتیی ئێکس بڵاویکردووە، لە رۆژهەڵاتی وڵات شکستیان بە هێرشێک هێناوە، کە دوو درۆن ئاراستەی کێڵگەی نەوتی شەیبە و درۆنێکیش ئاراستەی گەڕەکی سەفارات کرابوون.

هەروەها درۆنی چوارەم لە بیابانی روبع خالی تێکشێندراوە، کە بە هەمانشێوەی ئاراستەی کێڵگەی نەوتی شەیبە کرابوو.

عەلی عەبدولئیلاهی، فەرماندەی فڕۆکەوانی هێزی ئاسمانی سوپای پاسداران دەڵیت "پەیامەکەی موجتەبا خامنەیی رێبەری باڵا، خوێنێکی نوێی بە دەمارەکانی نەتەوەی موسڵمان، خەڵکی بە شەرەف و خۆشەویستی ئێرانی ئیسلامی دا، بە تایبەتی جەنگاوەرانی ئیسلام.

دەڵێت "بە رێبەر و فەرماندەی خۆشەویستمان رادەگەیەنین کە هێزە چەکدارەکان، بە ئامادەیی تەواو، بە رووحێکی زۆر بەهێز، بە ئازایەتییەکی بێ هاوتای، تا دوا هەناسە و دڵۆپی خوێن فەرمانی رێبەر جێبەجێ دەکەین و دەجەنگین، دەبێت دوژمنانی ئیسلام و موسڵمانان و وڵات و نەتەوەی خۆڕاگری ئێرانی ئیسلامی ناچار بکەین سزای تاوانەکانیان قبووڵ بکەن و لەتوپەتیان دەکەین.

وەزارتی بەرگریی ئیمارات رایگەیاند، تەنیا ئەمڕۆ پێنجشەممە 12ی ئاداری 2026، سیستەمی بەرگریی توانیویەتی 10مووشەکی بالیستی و 26 درۆنی بۆمبڕێژکراوی ئێران بخاتەخوارەوە.

هەروەها ئاماژەیداوە، لەسەرەتای ‌ههێرشەکانی ئێرانەوە بۆ سەر ئیمارات تاوەکوو ئیستا، سیستەمت بەرگریی توانیویەتی 278 مووشەکی بالیستی و 15 مووشەکی کرووز و 1540 درۆنی بۆمبڕێژکراو بخاتەخوارەوە.

تاوەکوو ئێستا شەش کەس لە ئیمارات بەهۆی هێرشەکانی ئێرانەوە کوژراون، لەنێویاندا خەڵکی ئیمارات، پاکستان، نیپاڵ و بەنگلادیش هەن، هەروەها 131حاڵەتی دیکەی برینداربوون تۆمارکراوە، کە ژمارەیەکیان ئیماراتین و ئەوانی دیکە خەڵکی چەندین وڵاتن، لە نێویاندا هاووڵاتی عێراقیش هەن.

ئەمڕۆ پێنجشەممە 12ـی ئاداری 2026، وەزارەتی بەرگریی عێراق رایگەیاند، هێزەکانی کەتیبەی ئەندازیاری مەیدانی سەر بە فیرقەی پیادەی چواردەی فەرماندەیی ئۆپەراسیۆنەکانی نەینەوا (کەرتی فەوجی یەکی لیوای پەنجا)، کەوتنە بەر هێرشی سێ فڕۆکەی بێفڕۆکەوانی خۆکوژ(درۆن) و دواتر فڕۆکەیەکی چوارەم، بەڵام هێزەکانمان رووبەڕوویان بوونەوە و پێش ئەوەی بگەنە ئامانجەکانیان، لە ئاسمانی قەزای مەخموور خستیاننە خوارەوە.

وەزارەتی بەرگریی ئاماژەی بەوە داوە، لە رووداوەکەدا هیچ زیانێکی گیانی لە ریزەکانی کارمەندانی هێزەکانمان یان هاووڵاتییان تۆمار نەکراوە، لە هەمان کاتدا لایەنە پەیوەندیدارەکان دەستیان کردووە بە گرتنەبەری رێکاری پێویست و بەدواداچوون بۆ وردەکاری و بارودۆخی رووداوەکە

کۆمپانیای تۆتاڵ ئێنێرجی فەرەنسی، بەهۆی جەنگی نێوان ئێران لەگەڵ ئەمریکا و ئیسرائیل و داخرانی گەرووی هورمز، بە ناچاری بەرهەمهێنانی نەوتی لە کێڵگەی دەریایی قەتەر، عێراق، ئیمارات راگرت، کە پشکی %15 ی بەرهەمهێنانی نەوتی کۆمپانیاکە پێکدەهێنێت.

ئەمڕۆ پێنجشەممە، 12ـی ئاداری 2026، پەیامنێری کوردستان24، رایگەیاند: بە درۆن هێرشکرایە سەر کەمپی ئازادی لە کۆیە.

کەمێک پێش ئێستا لە ئاسمانی هەولێر هێرشێک پوچەڵکرایەوە

فەرماندەی هێزی دەریایی سوپای پاسدارانی ئێران دەڵێت "پابه‌ندی فه‌رمانی رێبه‌ری باڵاین و گه‌رووی هورمز به‌ داخراوی ده‌مێنێته‌وه‌".

عەلیڕەزا تەنگەسیری فەرماندەی هێزی دەریایی سوپای پاسداران لە دوای پەیامەکەی موجتەبا خامنەیی رێبەری نوێی وڵاتەکەی لە تۆڕی کۆمەڵایەتیی ئێکس پەیامێکی بڵاوکردەوە و پابەندبوونی هێزەکانی بە پەیامەکەی رێبەری نوێ دووپاتکردەوە و نووسیویەتی " بە داخستنی گەرووی هورمز بەهێزترین گورز لە دوژمنان دەدەین"

سوپای پاسداران 42ـەمین شەپۆلی هێرشە مووشەکییەکانی لە چوارچێوەی بەڵێنی راستگۆیی 4 دەستپێکرد و رایگەیاند، بنکەی سەربازە ئەمریکییەکان لە ناوچەکە دەکەنە ئامانج.

ئێوارەی ئەمڕۆ پێنجشەممە 12ی ئاداری 2026، بەشی پەیوەندییە گشتییەکانی سوپای پاسدارانی ئێران لە راگەیەندراوێکدا بڵاویکردەوە، لە هێرشە مووشەکییەکانی ئەمجارەیاندا، مووشەکەکانی عیماد، قەدر، خەیبەرشکێن و فەتاح بەکارهاتوون.

هەروەها ئاماژەیداوە، هێرشەکانی ئێوارەی ئەمڕۆ پێنجشەممە، جیا لە مووشەک، درۆنی بۆمبڕێژکراویشیان بەکارهێناوە و ئاراستەی جەرگەی تەلئەڤیڤ و بنکەی سەربازە ئەمریکییەکانیان کردووە.