Nêçîrvan Barzanî: Seîd Gabarî dengekî bi soz û resen ê Kurd e
Serokê Herêma Kurdistanê bi boneya koça dawiyê ya hunermend Seîd Gabarî peyameke sersaxiyê belav kir.
K24 – Navenda Nûçeyan
Serokê Herêma Kurdistanê bi boneya koça dawiyê ya hunermend Seîd Gabarî peyameke sersaxiyê belav kir û ragihand, hunermend Seîd Gabarî dengekî bi soz û resen ê Kurd e û bi salên dûr û dirêj xezmeta stran û mûzîka Kurdî kiriye û di serdema şoreşê de çendîn sirûd û stranên bi coş ji bo xebat û Pêşmerge gotine.
Hunermendê Kurd ê navdar Seîd Gabarî ji ber nexweşiyê, îro li nexweşxaneyeke Hewlêrê koça dawiyê kiribû.
Deqa peyama Serokê Herêma Kurdstanê:
Bi mixabin ve, nûçeya koça dawiyê ya hunermendê navdar ê Kurdistanê xwedê jêrazî Seîd Gabarî bihîst. Bi vê boneya xemgîn, sersaxî û serxweşiyê li malbat, kesûkar, dost û hevalên wî dikin û hevsoz û hevxemê wan im. Xwedêyê mezin giyana wî bi bihuştê şad bike û sebr û aramiyê bide her aliyekî.
Hunermend Seîd Gabarî dengekî bi soz û resen ê Kurd e û bi salên dûr û dirêj xezmeta stran û mûzîka Kurdî kiriye û di serdema şoreşê de çendîn sirûd û stranên bi coş ji bo xebat û Pêşmerge gotine. Arşîvekî dewlemend ê mûzîk û stranan li pişt xwe hîşt û bi kar û berhemên xwe, bîranîna wî wek hunermendekî mezin zindî dimîne.
S. B