Emrîka ji kiryarên Tirkiyeyê nerazî ye!
"Heger şerekî leşkerane çêbibe, Emrîka alîkariya çi aliyan nake."
K24 - Navenda Nûçeyan: Wezîrê Karên Derve yê Emrîka (DYA) Mike Pompeo dibêje; Welatê wî ji ber kar û xebatên Tirkiyeyê yên li Derya Navîn nerazî ye.
Pompeo di serdana xwe ya Qibrisê de, der barê çalakiyên Tirkiyeyê de axaft. Pompeo, ji bo çareseriya pirsgirekên ewlehî û enerjiyê banga çareseriya dîplomatîk kir.
Her wiha hemû layen agahdar kirin û got; Heger şerekî leşkerane çêbibe, Emrîka alîkariya çi aliyan nake. Tiştekî wiha dê bibe sebeba têkçûna yekrêziyê.
Tirkiye geştiyên xwe şandine Deryaya Navîn! Ev geştî li ser du cihên ji aliyê enerjiyê ve zengîn lêkolînan dikin.
Yunanîstan û Qibris, ji van kiryaran nerazî ne û dibêjin ev neyasayî ye. Tirkiye jî dibêje, "mafê me yê yasayî ye". bdl
