Komîsyonê rêjeya beşdariya hemû parêzgehên Iraqê eşkere kir

Hewlêr (K24) – Rêveberê Fermangeha Partî û Aliyên Siyasî yê li Komîsyona Bilind a Serbixwe ya Hilbijartinan a Iraqê Heyman Tehsîn ragihand; rêjeya beşdariya di dengdana taybet de li hemû parêzgehên Iraqê %69 bûye.

Heyman Tehsîn eşkere kir ku rêjeya herî kêm a beşdarbûna dengdana taybet li parêzgeha Enbarê bûye, ku %59 e, rêjeya herî zêde jî li parêzgeha Babil e, ku %80 ye.

Li gor amarên Komîsyonê, rêjeya beşdariya dengdana taybet li parêzgehên Iraq û Herêma Kurdistanê wiha ye:

Besra %66

Mîsan %76

Qadisiye %74

Zîqar %72

Necef %69

Musenna %73

Bexda / Resafe %64

Bexda / Kerx %62

Kerbela %74

Babil %80

Diyala %74

Enbar %59

Wasît %67

Duhok %69

Hewlêr %75

Silêmanî %78

Selahedîn %70

Kerkûk %62

Neynewa %70

Heyman Tehsîn herwiha diyar kir ku birêveçûna proseya dengdana taybet li hemû parêzgehên Iraqê bi rêk û pêk hat encamdan, hêzên ewlehiyê û awareyan beşdarî dengdanê bûn.

Tehsîn destnîşan kir ku 24 demjimêr piştî temambûna hilbijartinên giştî, encamên hilbijartinan dê werin ragihandin.