Washington: Encama pişkinîna Biden negatîv derket

Navenda Nûçeyan (K24) – Koşka Spî ya Amerîkayê ragihand, piştî pênc rojan ji wergirtina tedawiyê, encama pişkinîna Joe Biden negatîv derket.

Serokê Amerîkayê Joe Biden ji ber pêketina vîrusa Koronayê (Covid-19) pênc roj kete karantînayê û piştî derketina encama pişkinîna wî, ku negatîv bû, êdî Joe Biden dikare vegere ser karê xwe.

Bijîşkê Serokatiya Amerîkayê Dr. Kevin O'Connor ragihand, şeva borî û vê sibê, du car test bo Biden hatin kirin û herdu caran jî encamên wan negatîv bûn.

Dr. Kevin O'Connor eşkere kiriye, Serokê Amerîkayê Joe Biden dikare derkeve derve û êdî li karantînayê nemîne.

Beriya niha hatibû ragihandin ku Joe Biden ji 21ê vê mehê ve bi Koronayê (Covid-19) ketiye.