Serokê Herêma Kurdistanê gehişt Viyenayê

Navenda Nûçeyan (K24) - Serokê Herêma Kurdistanê gehişt Viyenayê û li dû zanyarên peyamnêrê K24ê, sibe bi Serokkomar û Wezîrê Derve yên Nemsayê re dicive.

Serokê Herêma Kurdistanê Nêçîrvan Barzanî îro (Duşem, 01.07.2024) bi serdaneke fermî gehişt Viyenaya paytexta Nemsayê, û biryar e bi Serokkomar û Wezîrê Derve yên Nemsayê re danûstandinan li ser çend pirsên giring ên girêdayî peywendiyên navbera Herêma Kurdistanê û Nemsayê bike.

Peyamnêrê K24ê Aware Hewramî eşkere kir, “Ecêndaya serdana Serokê Herêma Kurdistanê Nêçîrvan Barzanî ji bo Nemsayê ew e ku, bi berpirsên bilind ên wî welatî re danûstandinan li ser mukomkirina peywendiyên navbera Herêma Kurdistanê û Nemsayê û herwesa pirsa vekirina konsulxaneya wî welatî li Herêma Kurdistanê bike.

Pêştir Serokatiya Herêma Kurdistanê ragehandibû, “Serokê Herêma Kurdistanê Nêçîrvan Barzanî bi serdaneke fermî diçe Nemsayê û bi serok û berpirsên bilind ên wî welatî re dicive.”

Serokatiya Herêma Kurdistanê îro jî (Duşem, 01.07.2024) ragehand, “Serokê Herêma Kurdistanê Nêçîrvan Barzanî bi serdaneke fermî gehişt Viyenayê.”

Herwesa di wê ragehandinê de hatiye, “Nêçîrvan Barzanî sibe bi Serokkomar û Wezîrê Derve yên Nemsayê re dicive û pê re danûstandinan li ser derfet û warên pêşxistina peywendiyên Nemsayê yên bi Îraq û Herêma Kurdistanê re û berfirehkirina alîkariyên hevpar dike.”