Şaxewan Ebdula bi Sûdanî re arêşeya cotyaran çare kir

Navenda Nûçeyan (K24) - Cîgirê Serokê Civata Nûnerên Îraqê bi Serokwezîrê Îraqê re arêşeya genimê cotyarên Herêma Kurdistanê çare kir.

Li dû zanyarên peyamnêrê K24ê, Cîgirê Serokê Civata Nûnerên Îraqê Şaxewan Ebdula vê êvarê (Yekşem, 01.09.2024) pirsa mafên darayî yên cotyarên Herêma Kurdistanê bi Serokwezîrê Îraqê Mihemed Şiya Sûdanî re behs kir.

Peyamnêrê K24ê herwesa da zanîn, “Sûdanî soz daye ku pereyê genimê cotyarên Herêma Kurdistanê xerc bike, wekî mafê wî genimê ku wan wergirtiye.”

Peyamnêrê K24ê herwesa eşkere kir, “Sûdanî biryara xerckirina 483 milyar dînaran wekî pereyê genimê cotyarên Herêma Kurdistanê daye.”