Qasim El-Arecî serkeftina hilbijartinan li Mesrûr Barzanî pîroz dike
Navenda Nûçeyan (K24) – Serokwezîrê Herêma Kurdistanê Mesrûr Barzanî îro 27ê Cotmehê pêşwazî li Şêwirmendê Asayişa Niştimanî ya Iraqê Qasim El-Arecî kir.
Li gorî daxuyaniya Hikûmeta Herêma Kurdistanê, di hevdîtinê de dawî guhartin û pêşhatên rewşa ewlekariya Iraqê bi giştî hat gotûbêjkirin.
Şêwirmendê Asayîşa Nîştimanî ya Iraqê serkeftina proseya hilbijartinên gera şeşemîn a Parlamentoya Iraqê, li Serokwezîrê Herêma Kurdistanê pîroz kir.
Di dawiya hevdîtinê de, her du alî li ser girîngiya zêdetir pêşxistina hevkarî û hevahengiya di navbera Hikûmeta Herêma Kurdistanê û Hikûmeta Federal de, ji bo rûbirûbûna metirsiya terorê û parastina asayîş û aramiya Herêma Kurdistanê û Iraqê bi giştî hevnêrîn bûn.
