Bereyê Miqaweyê yê Îraqî: Îro me şeş êrîşên cuda kirin ser Israîlê
Navenda Nûçeyan (K24) - Komên çekdar ên Îraqê îro (În, 01.11.2024) ragehand ku, di dema çend seetan de bi dronan şeş êrîş kirine ser pêgehên giring ên Israîlê.
Di şeş beyannameyên cuda yên komên çekdar de ku li telegramê parve kirine hatiye, “Îro Înê çekdarên Miqawemeya Îslamî li Îraqê du êrîşên cuda bi dronan kirine ser du pêgehên giring li Colanê.”
Di beyannameyeke din de jî eşkere kir, “Bereyê Miqawemeyê di seetên borî de êrîş kir ser sê pêgehên din li başûrê Israîlê.” Amaje jî da, “Bi dronaan pêgeheke giring li naverasta Israîlê kiriye armanc.”
Bereyê Miqawemeyê di beyannameyekê de piştrast kiriye ku, “Operasyon ji bo nehêlana cihên dijminî berdewam in.”
Bereyê Miqawemeyê yê Îslamî yê Îraqê gelek caran êrîş kiriye ser Israîlê, ew jî wekî rengvedanek li dijî êrîşên Israîlê bo ser kertê Xezzeyê.