Qeyum ji bo şaredariyeke din a DEM Partiyê hate danîn

Navenda Nûçeyan (K24) – Piştî ku cezaya zîndanê li Hevşaredarê Qaxizmanê hatibû birîn, qeyum ji bo Şaredariya Qaxizmanê ya DEM Partiyê hate tayînkirin. 

Wezareta Navxwe ya Tirkiyeyê li Şaredariya Qaxizman a Qersê ya DEM Partiyê qeyûm tayîn kir. 

Di 20’ê Sibatê de bi îdiaya “endamtiya rêxistinê” 6 sal û 3 meh cezayê zîndanê li Hevşaredarê Qaxizmanê Mehmet Alkan hatibû birîn. Avahiya şaredariyê ji hêla polîsan ve hatibû dorpêçkirin.  

Di teblîxata wezaretê de hate diyarkirin, Hevşaredar Mehmet Alkan “weke tevdîreke demkî” ji peywirê hatiye girtin û Qeymeqamê Qaxizmanê Okan Daştan weke qeyûm li şaredariyê hatiye tayînkirin.

Mehmet Alkan pêştir di 1ê Mijdara 2019an de hatibû binçavkirin. Alkan bi şertê kontrola edlî hat berdan. Mehmet Alkan di hilbijartinên herêmî yên 31'ê Adarê de ji Partiya DEM'ê bû şaredar.

Şaredariyên DEM Partiyê yên qeyûm lê hatine danîn:

- Şaredariya Colemêrgê: Şaredar Mehmet Siddik Nakit. Qeyum: Ali Çelik.

- Şaredariya Bajarê Mezin a Mêrdînê: Ahmet Turk. Qeyum: Tuncay Akkoyun

- Şaredariya Êlihê: Şaredar Gulistan Sonûk. Qeyum: Ekrem Canalp

- Şaredariya Xelfetiyê: Şaredar Mehmet Karayiklan. Qeyum: Hakan Başoglu

- Şaredariya Dêrsimê: Şaredar Cevdet Konak. Qeyum Bulent Tekbıyikogku

- Şaredariya Miksê: Şaredar Ayvaz Hazir. Qeyum Harun Arslanhargun

- Şaredariya Akdenîzê: Şaredar Hoşyar Sariyildiz. Qeyum Zeyit Şener

- Şaredariya Sêrtê: Şaredar Sofia Alagaş. Qeyum Kemal Kizilkaya

- Şaredariya Bajarê Mezin a Wanê: Şaredar Abdullah Zeydan. Qeyum Ozan Balci

- Şaredariya Qaxizmanê: Şaredar Mehmet Alkan. Qeyum Okan Daştan

Şaredariyên CHPê yên qeyûm lê hatine danîn:

- Şaredariya Esenyurt: Şaredar Ahmet Ozer. Qeyum Can Aksoy 

- Şaredariya Ovacik: Şaredar Mustafa Sarigul. Qeyum Huseyin Şamil Sozen

- Şaredariya Beşîktaşê: Şaredar Riza Akpolat. Endamê Encûmena Şaredariyê Omer Rasim Şişman, cihê şaredar girt