Mezintirîn ahenga Newrozê li Kolnê tê kirin
Navenda Nûçeyan (K24) - Konfederasyona Revenda Kurdistanî û Civaka Giştî ya Kurdî li Almanyayê bi navnîşanê “Mil bi mil û dil bi dil ji bo yekbûnê li Rojavayê Kurdistanê” mezintirîn ahenga Newrozê li Almanyayê rêk dixin.
Konfederasyona Revenda Kurdistanî ragehandiye, “Mezintirîn ahenga Newrozê li roja 22ê Adara 2025ê li bajarê Kolnê yê Almanyayê bi hevpariya Civaka Giştî ya Kurdî li Almanyayê, bi tevlîbûna hunermend Şivan Perwer, Elind Hazim, Şerîf Omerî, Hanî Muctehidî, Eyûb Elî, Nazdar, Xebat Dihokî, Azad Feqê, Hejal Îlanî û Emîn Nadir rêk dixe.”
Konfederasyona Revenda Kurdistanî ragehandiye, “Hatina ahengê ji bo tevaya Kurdên derve bêberanber e û tikêt nayên firotin.”
Her bi helkeftina cejna Newrozê, Konfederasyona Revenda Kurdistanî bi hevparî li gel Komîteya Kurdistanî ya Gorcistanê ahengeke mezin li Tiblîsa paytexta Gorcistan bi tevlîbûna hunermend Sevdîn Xelat, Şirîn Wilat, Hemîd, Mîkaîl Gulu û Xêro Ebas li roja 07ê Nîsana îsal rêk dixe.
