Hermin Ehmed: Em di ahenga Newrozê ya Kolnê de daxwaza mafên Kurdên Rojavayê Kurdistanê dikin

Navenda Nûçeyan (K24) - Berpirsa Nivîsîngeha Ragehandinê ya Konfederasyona Revenda Kurdiatanî ji K24ê re ragehand, “Sibe ahenga herî mezin a Kurdistaniyên her çar parçeyên Kurdistanê li bajarê Kolnê yê Almanyayê bi rê ve diçe, li wê derê daxwaza mafên Kurdên Rojavayê Kurdistanê tê kirin.”

Berpirsa Nivîsîngeha Ragehandinê ya Konfederasyona Revenda Kurdiatanî Hermin Ehmed îro (În, 21.03.2025) ji malpera K24ê re ragehand, “Her sal ahengên Newrozê li welatên Ewropayê tên kirin û Kurdên diyasporayê yên her çar parçeyên Kurdistanê bi piştevaniya Konfederasyona Revenda Kurdiatanî bi şahî û govend û mûzîk û stiranên Kurd bi rê ve dibin.”

Hermin Ehmed herwesa got, “Sibe jî (Şemî, 22.03.2025) ahenga berfireh a Newrozê ji bo piştgiriya Rojavayê Kurdistanê li bajarê Kolnê yê Almanyayê tê kirin.”

Navbirî herwesa got, “Li nav kernevala Newrozê ya Kolnê, yadaştnameyek ji bo raya giştî û gelên Ewropayê û dezgehên fermî yên wan welatan tê xwandin, tê de jî daxwaza çespandina mafên Kurdan di destûrê nû yê Sûriyeyê de tê kirin.”