Balyozxaneya Amerîkayê li Bexdayê hişyariyê li ser berfirehbûna şer dide

Navenda Nûçeyan (K24) – Balyozxaneya Amerîkayê li Bexdayê li ser egera berfirehbûna aloziyan û girtina firokxaneyan hişyarî da. 

Balyozxaneya Amerîkayê li Bexdayê îro 2ê Îlona 2026an daxuyaniyek belav kir û tê de ragihand, ji ber aloziyên li Rojhilata Navîn, rewşa ewlehiyê ya aram e û egera berfirehbûna aloziyan bi awayekî nepêşbînîkirî heye.

Balyozxaneya Amerîkayê li Bexdayê daxwaz ji welatiyên xwe yên li Rojhilata Navîn kir ku bi temamî hişyar bin û haydarî egera hilweşandina geştên esmanî û girtina firokxaneyan bin. 

Di beşeke din a daxuyaniyê de hate tekezkirin, divê ew Amerîkiyên ku geştê bo Rojhilata Navîn dikin, bi hûrgilî haydarî agahiyên taybet ên firokxane û geştên xwe bin. 

Derbarê gefan de, daxuyaniyê aşkere kir ku navend û cihên Amerîkî hatine armancgirtin. Herwiha hişyarî da ku dibe Îran û komên nêzî wê, berjewendiyên Amerîkayê bikin armanc.