گۆڕان له بارهی بهشداریكردن له حكوومهت بهسهر دوو بهرهدا دابهش دهبێت
"پێویسته گۆڕان وهڵامی ئهو دهنگدهرانه بداتهوه كه له ههڵبژاردندا دهنگیان پێداوه"
K24- ههولێر:
پێشتر بزوتنەوەی گۆڕان ڕایگەیاندبوو کە زۆرینەی جڤاتی نیشتیمانی لەگەڵ بەشداریکردنی بزوتنەوەکەن لە حکومەتی داھاتودا ، بەڵام چەند ڕۆژێکە دەنگۆیەک لە نێو بزوتنەوەکەدا بڵاو بۆتەوە کە زۆرینەی جڤاتی گشتی لەگەڵ ئەوەن گۆڕان بەشداری حکومەت نەکات , ئەندامێکی جڤاتی گشتی دەڵێت گۆڕان مەرجی خۆی ھەیە و ئەوەی دەوترێت بۆچونی تاکە کەسی ئەندامانی گۆڕانە.
لهمبارهیهوه یاسین ساڵح، كه هاووڵاتیێكی شاری سلێمانییه و لە ھەڵبژاردنی ڕابردوودا دەنگی بە بزوتنەوەی گۆڕان داوە، چاوەڕێ دەکات گۆڕان ئهو بهڵێنانهی جێبهجێ بكات كه بە دەنگدەرانی داوە، ڕەخنەی ئەوەش دەگرێت، پێویستە گۆڕان بە بارێکدا خۆی یەکلایی بکاتەوە و وەڵامی ئەو دەنگدەرانە بداتەوە، کە لە ھەڵبژاردندا متمانەیان بە گۆڕان داوە.
لهكاتێكدا پێشتر گۆڕان ڕایگەیاندبوو, لەگەڵ پارتی خاڵی ھاوبەشیان زۆرە و ڕەنگە بگەنە ڕێکەوتن، بەڵام ئهو بزووتنهوهیه لە نێو خۆیاندا بەسەر دووبەرەدا دابەش بوون, بەرەیەک پێی باشە بەشداری بکەن و بەرەیەکيش بهرههڵستی ئهو رایه دهكهن. لهمبارهشهوه كوێستان محهمهد، ئەندامی جڤاتی گشتی گۆڕانيش له لێدوانێكدا بۆ كوردستان 24 دهڵێت: دەڵێت گۆڕان مەرجی خۆی ھەیە و ئەوەی دەوترێت بۆچونی تاکە کەسی ئەندامانی گۆڕانە.
له بهرامبهریشدا پارتی ئەو قسەیەی گۆڕانی بەلاوە سەیرە، کە دەڵێت دەبێت کارنامەی حکومەت ببینێت و، عینایهت نامیق، کارگێڕی لقی 4ی پارتی دەڵێت: کارنامەکەی پارتی ئاشکرایە و لە کاتی بانگەشەی ھەڵبژاردندا ههموو پلان و بهرنامهكهی بۆ حكوومهتی داهاتوو خستووهته روو و دەنگیشیان لەسەر ئهو كارنامهیه بەدەست ھێناوە.
بهگوێرهی زانیارییهكانی کوردستان ٢٤, گۆڕان بەمەرجی پێدانی پۆستەکانی جێگری سەرۆکی ھەرێم و ھەردوو جێگری سەرۆکی حکومەت و سەرۆکی پەرلەمان و یەک وەزارەتی سیادی و ٣ وەزارەتی خزمەتگوزاری و چەند دەستەیەک بەشداری حکومەت دەکات، کە ئەوپۆستانەش بەشێکیان ھەمان داواکاری یەکێتین بۆحکومەتی داھاتوو.
H.B