له عێراق 78 كهسی دیكه بههۆی كۆرۆنا گیانیان لهدهستدا
ژمارەی مردن لە 4 هەزار و 500 كەس نزیك دەبێتەوە
K24- هەولێر:
وهزارهتی تهندروستی عێراق ئاماری 24 كاتژمێری رابردووی تووشبوون، مردن و چاكبوونهوهی كۆرۆنای له سهرانسهری وڵات به پارێزگاكانی ههرێمی كوردستانیشهوه راگهیاند.
بهگوێرهی راگهیهندراوهكهی وهزارهتی تهندروستی عێراق، له ماوهی 24 كاتژمێری رابردوودا پشكنینی پزیشكی بۆ 17 ههزار و 511 گومانلێكراو ئهنجامدراوه و تووشبوونی 2 ههزار و 459 كهسی دیكه به پهتاكه پشتڕاست كرایهوه.
وهك له راگهیهندراوهكهدا هاتووه، له ماوهی شهو و رۆژێكدا 78 كهسیش بههۆی پهتاكه گیانیان لهدهستداوه.
هاوكات هەزار و 900 حاڵهتی چاكبوونهوهش له پهتاكه راگهیهندراوه.
تا ئێستا كۆی ئهوانهی له سهرانسهری عێراق تووشی پهتاكه بوونه ژمارهیان گهیشته 110 ههزار و 32 حاڵهت، لهو ژمارهیهش 4 ههزار و 462 كهس بههۆی ڤایرۆسهكهوه گیانیان لهدهستداوه و 75 ههزار و 217 كهسیش به تهواوی چاك بوونهتهوه و 30 ههزار و 453 كهسیش له نهخۆشخانهكان لهژێر چاودێری پزیشكیدان، لهو ژمارهیهش 433 كهس بههۆی ناجێگیری دۆخی تهندروستییان له ژێر چاودێری چڕی پزیشكیدان.
H.B