شاندێكی وەزارەتی پێشمەرگە سەردانی ئیتالیا دەكات
چاویان بە وەزیری بەرگری ئیتاڵیا دەكەوێت
K24- رۆما
شاندێكی وەزارەتی پێشمەرگە ئەمڕۆ بەرە و ئیتاڵیا بەڕێكەوت و بڕیارە چاوی بە چەند بەرپرسێكی ئەو وڵاتە بكەوێت.
نێردراوی (كوردستان 24) لە رۆما رایگەیاند: شاندەکەی وەزارەتی پێشمەرگە هێشتا نەگەیشتووەتە رۆمای پایتەختی ئیتالیا، بەڵام بڕیارە ئێوارەی ئەمڕۆ بگەن.
نێردراومان لە ئیتالیا گوتیشی: سەردانەکەی شاندەکەی وەزارەتی پێشمەرگە چەند رۆژێک دەخایەنێت و بڕیارە چاوی بە وەزیری بەرگریی و سوپاسالار و چەند بەرپسێكی دیكەی ئیتالیا بکەوێ.
لە دەستپێكی شەڕی داعش ئیتاڵیا ھاوكاریی سەربازیی پێشکەشی پێشمەرگە كرد و چەند راوێژكارێكی سەربازیشی رەوانەی باشووری كوردستان كردبوو بۆ ئەوەی مەشق بە ھێزەكانی پێشمەرگە بكەن.
شاندەكەی وەزارەتی پێشمەرگەی حكوومەتی ھەرێمی كوردستان پێكھاتووە لە كەریم سنجاری، وەزیری پێشمەرگە بە وەكالەت و جەبار یاوەر، ئەمنیداری گشتیی و چەند فەرماندەیەكی دیكەی ھێزی پێشمەرگە.
