سێرینا به‌سه‌ر شۆخه‌كه‌ی رووسیادا سه‌ركه‌وت

K24 ـ هه‌ولێر

خانمە تێنسزانە ئەمێریكیەكە بەردەوامە لە سەركەوتنەكانی و لە قۆناخی چارەگی کۆتایی ئوستوڕالیای كراوە  سەركەوتنی بەسەر ماریا شاراپۆڤای خانمە تێنسزانە شۆخ و شەنگەکەی ڕوسیا  تۆمار كرد و خۆی دەربازی یاری كۆتایی كرد

سێرینا ویلیامزی پۆڵێنكراوی یەكەمی خانمەتێنسزانەكانی جیھان  لەیاریەكی بەھێزدا ڕوبەڕووی ماریا شاراپۆڤای پێنجەمین خانمە تێنسزانی جیھان بووەوە و یاریەكەشی بە دوو كۆمەڵەی بێ وەڵام لێ بردەوە.

ئەنجامی كۆمەڵەكانیش شەش چوار  و  شەش یەك بوون.

بەم سەركەوتنەش گەوھەرە ڕەشەكەی ئەمێریكا خۆی گەیاندە قۆناخی پێشکۆتایی  و هەنگاوێکی دیکە لە پارێزگاریکردن لە ناسناوی ساڵی رابردووی نزیک بووەوە.