كورد ل ئستهنبولێ 100 ساله كارى باركێشیێ دكهن
دیروكا كارێ باركێشیێ دزڤریتهڤه بو ههیاما عوسمانیان و ههیا نها ژى یا بهردهوامه
K24 – ئستهنبول
دیروكا كارێ باركێشیێ ل ههیاما عوسمانیان و ههیا نها ژى یا بهردهوامه
باركێشى یا ب پالانان، یان ژى، حهمالى، ئێكه ژ كارێن ههره زهحمهت كو مرۆڤ پێ رادبن، كارێ حهمالیێ پێدڤى ب هێزو شیانهك مهزن ههیهو ههمى كهس نكارن پێ راببن.
ل توركیا دیروكا ڤى كارى یا ههیاما عوسمانیانه، ئێكهم كهس ژى بڤى كارى رابوویه مروڤهكێ كورد بوویه.
دهڤهرا، سیركهجى، نها ئێكه ژ بازارێن ههره مهزن ل ئستهنبولێ، تا نها كارى حهمالیێ لێ تێته كرن، ئهو كهسێن بڤى كارى ژى رادبن ژبو دابین كرنا پێدڤیێن ژیانێ، ب ڤان پالانان، باران ل سهر مللێن خوه بار دكهن و دگههینن.
ئهو كهسێن كو ڤى كارى دكهن ژمارا وان 1500 كهس دبن و پرانیا وان دووضارى نهخوشیێن پشت ئێشانێ هاتينة .
ئێك ژ كاركهران دبێژه: "ئهڤه كارهك پر زهحمهته، ههر بارهك 150 تا 200 كیلویان گرانه، پرانیا كاركهران دووجارى نهخوشیان هاتینه و هندهك ژوان سهقهت بوینه".
پرانیا ڤان كاركهران كو كارێ حهمالیێ دكهن كوردن و ژباژێرێن، سهمسوور و ملێتى، یێن باكورێ كوردستانێ هاتینه.
بو جارا ئێكهم ژى كو مروڤهكێ كورد ئهف كار ه كریه دزڤریتهڤه بو سالا 1918 یان دا ل باژێرێ،بهدلیس،ێ هاتیه،پشتى وى ژى ب هزاران كورد هاتینه ئیستهنبولێ ئهف كاره كریه و هێشتا ژى دكهن.
بهریا نها ئهو كهسێن بڤى كارى رادبوون، پارهیهكێ باش دهستدكهفت و رهوشا ژیانا وان یا باش بوو، ههتا دكارین خانیا ژى بكرن، لێ نها پارهیهكێ زۆر كێم دهستدكهڤیت ، ژبهر كو نها رێ ل ڤى جوره كارى هاتیه گرتن، ژبهر كو رێكێن پێشكهفتى تر پهیدا بووینه كو بلهز تر و ب قهبارهیهكا مهزنتر دهێت كرن.