له بارهی ریفراندۆمهوه ههرێم دانووستان لهگهڵ بهغدا دهكا
"بڕیاره شاندێك سهردانی بهغدا بكا"
K24 – ههولێر:
بۆ گفتوكردن لهسهر پرسی ریفراندۆم و چهند پرسێكی پهیوهندیدار و هاوبهشی نێوان ههرێمی كوردستان و عێراق، بڕیاره شاندێكی ههرێم سهردانی بهغدا بكا.
هێمن ههورامی بهرپرسی پهیوهندییهكانی دهرهوهی پارتی دیموكراتی كوردستان به كوردستان24 راگهیاند: "بۆ گفتوگۆكردن لهسهر مهسهلهی ریفراندۆم شاندێك بهناوی ههرێمی كوردستانهوه دهچێته بهغدا".
هێمن ههورامی گوتی: "ههتا ئهگهر ئهنجامی ریفراندۆم ههر شتێك بێ، كۆمهڵێك خاڵی هاوبهش له نێوان ئێمه و عێراقدا ههیه".
گوتیشی: "ئهمنییهتی عێراق و ههرێمی كوردستان خاڵێكی هاوبهشه، ئابووریی و بازاڕی ههرێمی كوردستان لهگهڵ بازاڕی عێراق خاڵێكی هاوبهشه، مامهڵهكردن لهگهڵ مهلهفی نهوت پاش ریفراندۆم و كۆمهڵێك لهو مهلهفانه كه پهیوهستن به سیاسهتی دهرهوهی عێراق و ههرێم، ئهمانه كۆمهڵێك بابهتن قسهیان لهسهر دهكرێ".
دهربارهی ئەندامان و کاتی چوونی شاندهكه بۆ بهغدا، هەورامی ئاماژهی بۆ ئهوهكرد: "تا ئێستا بڕیارنهدراوه ئەندامانی شاندهكه كێ بن و كهی بچنه بهغدا".
ئا: م.ح