سهدر بۆ پۆزش هێنانهوه سهردانی ئێرانی كردووه
لە راپۆرتێكی رۆژنامەی ئەلشەرقولئەوسەتدا ھاتووە كە، 3 رۆژ لەمەوبەر و بۆ داوای لێبووردن لەبەرامبەر وتنەوەی دروشمی دژی ئێران لە خۆپێشاندانەکانی ئەم دواییەی بەغدا، موقتەدا سەدر چووهتە ئێران.
K24 – ههولێر:
چەند جارێك، ھەواڵی سەردانی موقتەدا سەدر، رێبەری رەوتی سەدر بۆ ئێران بڵاوكرایەوە و دواتر لەلایەن چەند میدیایەکی نزیک لەو رەوتە ئەو ھەواڵە بەدرۆ خرایەوە، بەڵام لە راپۆرتێكی رۆژنامەی ئەلشەرقولئەوسەتدا ھاتووە كە، 3 رۆژ لەمەوبەر و بۆ داوای لێبووردن لەبەرامبەر وتنەوەی دروشمی دژی ئێران لە خۆپێشاندانەکانی ئەم دواییەی بەغدا، موقتەدا سەدر چووهتە ئێران.
سەرەنجام، رۆژنامەی شەرقول ئەوسەتی چاپی لەندەن، پەردەی لەسەر سەردانەکەی موقتەدا سەدر بۆ ئێران هەڵماڵی و ئاشکرایکرد کە سەردانەکە بۆ پۆزش هێنانەوە بووە، لە پای وتنەوەی چەند درووشمێکی دژ بە ئێران لە خۆپیشاندانەکانی ئەم دواییەی گۆڕەپانی ئاهەنگەکان لە شاری بەغدا.
شەرقول ئەوسەت نوسیوویەتی: "لە کاتی سەردانەکەی سەدر، لە فڕۆکەخانە لەلایەن عەلی شەمخانی ئەمینداری گشتی ئەنجوومەنی ئاسایشی نەتەوەیی ئێرانەوە پێشوازی لێکراوە، ئەمەش وەک نامەیەکە کە تاران سەدر لە بیر ناکات و بایەخی پێدەدات".
کۆی سەرکردەی شیعەکانی عێراق نایانەوێت، دڵی ئێران لە خۆیان بڕەنجێنن، چونکە کاریگەری ئێران، بەسەر عێراقەوە لە سەرجەم بوارەکاندا رەگی داکوتاوە.
لەلایەکی دیکەوە، قەیس خەزعەلی، دامەزرێنەری عەسائیب ئەهلولحەق و نزیک لە سەدر، رایگەیاند: "ئەوانەی دژایەتی ئێران دەکەن، رەوتی سەدر لێییان بێبەرییە".
پێشتریش، کوتلەی ئەحراری سەربە رەوتی سەدر، سەردانی موقتەدا سەدری بە شتێکی ئاسایی ناوبردبوو، بەبێ ئەوەی راستی سەردانەکە دووپات بکاتەوە.