له‌ به‌غدا گه‌نجان داوای هه‌لی كار ده‌كه‌ن

K24 – هه‌ولێر:

ئه‌مڕۆ سه‌دان ده‌رچووی زانكۆكانی عێراق له‌ خۆپیشاندانێكدا داوای هه‌لی كار و دامه‌زراندنیان له‌ ده‌سه‌ڵاتدارانی به‌غدا كرد.

خۆپیشانده‌ره‌ گه‌نجه‌كان له‌ ناوچه‌ی "عه‌لاوی"ی ناوه‌ڕاستی به‌غدا درووشمی "شۆڕشی به‌غدا"یان به‌رز كردبووه‌وه‌.

ئه‌وان ناڕازی بوون له‌ ره‌وشی ئابووری و دارایی وڵاته‌كه‌یان و داوایان ده‌كرد، ده‌سه‌ڵاتدارانی به‌غدا ده‌رفه‌تی كار و دامه‌زراندن و ژیانیان بۆ بڕه‌خسێنن.