رووسیا ناسنامهی سهربازه كوژراوهكهی له سووریا ئاشكرا دهكات
K24 - ههولێر:
وەزارەتی بەرگری رووسیا، رایدەگەیەنێت کە سەربازێکیان لە پارێزگای حومسی سووری کوژراوە.
وەزارەتی بەرگری رووسیا ئاشکرای دەکات، یەکێک لە سەربازەکانیان لە سووریا بەناوی "ئانتۆن یارگین"، لەدوای ئەوەی لەلایەن گروپە چەکدارەکانی نێو سووریاوە ھێرش دەکرێتە سەر بنکەی سەربازی رووسیا لە حومس، ئەو سەربازە بە سەختی بریندار دەبێت و پاشان گیانلەدەست دەدات.
ئەمە دووەم سەربازی رووسییە لە سووریا بکوژرێت، دوای ئەوەی لەمانگی ئاداری رابردوو، سەربازێکی دیکەیان لە شاری تەدموری سووریا، لەمیانەی رووبەڕووبوونەوەیان لەدژی داعش، کوژرا.
کوژرانی ئەو سەربازە رووسییەش لەکاتێکدایە کە ئەمریکا و رووسیا لەسەر درێژکردنەوەی ئاگربەستی سووریا رێککەوتوون و لە ھەوڵدانان بۆ فراوانکردنی ئەو ئاگربەستە بەوەی تەواوی سووریا بگرێتەوە.