توركیا ئیدانەی ھێرشە مووشەكییەكەی ھەولێر دەكات

K24 – ھەولێر

وەزارەتی دەرەوەی توركیا ئیدانەی ھێرشە مووشەكییەكەی سەر ھەولێر دەكات و ھاوخەمی خۆشیان بۆ خەڵكی ھەولێر و ھاوپەیمانان راگەیاند.

لە راگەیەندراوەكەی وەزارەتی دەرەوەی توركیا ھاتووە "بە توندی ئیدانەی ئەو هێرشە مووشەکییەكەی سەر هەولێر دەكەین، کە شوێنی نیشتەجێبوونی هاووڵاتییانی مەدەنیی کراوەتە ئامانج".

وەزارەتی دەرەوەی توركیا راشیگەیاندووە "پرسە و سەرەخۆشی خۆمان بۆ خەڵکی هەولێر و ئەندامانی هاوپەیمانی نێودەوڵەتی دژی داعش رادەگەیەنین".

ئاماژەی بەوەشكردووە، ئارامی و سەقامگیری بۆ ناوچەكە بگەڕێنرێتەوە و رێگری لە گرووپە تیرۆریستییەكان بكرێت و رێزی لە سەروەری وڵاتان و دامەزراوە نیشتمانییەكان بگیریت.