لە پەخشی راستەوخۆ دزییان لێکرا

K24- هەولێر:

رۆژنامەنووسێکی وەرزشی ئیکوادۆری و کامێرامانەکەی، لە پەخشی راستەوخۆ لە شاری گوایاکیل، دزیان لێدەکرێت.

پیاوێک بە دەمانچەیەکەوە، دەموچاوی داپۆشیوە، هەڕەشە لە رۆژنامەنووسەکە و کامێرامانەکە دەکات، مۆبایلەکانیان رادەست بکەن.

ئۆرینۆلای رۆژنامەنووس بە دزەکە دڵێت، ئەو لە کاتی کارکردنە و تکا دەکات وازی لێبێنێت، دزەکەش روو دەکاتە کامێرامانەکە و بە زەبری دەمانچەکەی، مۆبایلەکەی لێوەردەگرێت.

سکای نیوز ئاشکرایکردووە، رۆژنامەنووسەکان دوای دزەکە کەوتوون، بەڵام دزەکە بە ماتۆڕسکیل زوو لە شوێنەکە دوور کەوتووەتەوە.

پۆلیسی ئیکوادۆر بەڵێنی داوە، دزەکە بدۆزنەوە و سزای بدەن. لە ماوەیەکی کەم، ئەو گرتە ڤیدیۆییە، 650 هەزار بینەری تێپەڕاندووە.