پارێزگاری ههولێر سوپاسی هاووڵاتییان و لایهنه ئیداری و ئهمنییهكانی ئهو شاره دهكات
"ئێوه بهو رهفتاره سالماندتان کە هەولێری پایتەخت شاری ئارامی و خۆشەویستی و پێكەوەژیانی پێكهاتە ئایینی و نەتەوەیی و فرە رەنگییە لە کوردستان"
K24- ههولێر:
ئومێد خۆشناو، پارێزگاری ههولێر له راگهیهندراوێكدا سوپاسی ههموو خهڵكی ههولێر، هێزه ئهمنییهكان و لایهنه ئیدارییهكانی ئهو شاره كرد، كه له رێوڕهسمی پێشوازیكردن له پاپا فرانسیس، پاپای ڤاتیكان له سهردانهكهیدا بۆ شاری ههولێر بهشدار بوون و روو له خهڵكی شارهكهی دووپاتیكردهوه، ئێوه بهو رهفتاره سهلماندتان کە هەولێری پایتەخت شاری ئارامی و خۆشەویستی و پێكەوەژیانی پێكهاتە ئایینی و نەتەوەیی و فرە رەنگییە لە کوردستان.
دهقی راگهیهندراوهكهی پارێزگاری ههولێر:
بەناوی پارێزگای هەولێرەوە سوپاس و ستایشی خۆمان ئاراستەی خەڵکی خۆشەویستی شارەکەمان دەکەین، بۆ ئەو میوانداری و میوان دۆستییەی لە قەداسەتی پاپا فرانسیس پێشکەشیانکرد، سوپاس بۆ ئەوەی بەهۆی هاتنی و پێشوازیکردن لەبەڕێزیان لە شەقامە گشتییەکانی پایتەخت هاوکار بوون و وەك هەمیشە وێنەیەکی جوان و سەردەمیانە و هەولێریانەتان نیشاندا و سالماندتان، کە هەولێری پایتەخت شاری ئارامی و خۆشەویستی و پێكەوە ژیانی پێكهاتە ئاینی و نەتەوەی و فرە رەنگیە لەکوردستان، جارێکی تر سوپاس بۆ هاوشاریانی خۆشەویستی سنووری پارێزگاکەمان.
هەروەها زۆر سوپاس بۆ ماندووبوون و شەونخونی هێزەکانی ئاسایش، پۆلیس، زێرەڤانی، پێشمەرگە، پۆلیسی هاتووچۆ، بەرگری شارستانی و سەرجەم پێکهاتەکانی هێزەکانی ناوخۆ دهكهم، کە ماندوونەناسانە بەئەرکی سەرشانی خۆیان هەڵساون و وەك هەمیشە پارێزەری پاراستنی ئاسایش و ئارامی شاری هەولێری خۆشەویست بوون، سوپاس بۆ شارەوانی و تهواوی فهرمانگهکان و کارمەندە ماندوونەساکەکانیان، کە لەچەند رۆژی رابردوودا وێڕای ئەرکی خۆیان، ئەرکی زیاتریان ئەنجامدا لە خاوێنکردنەوە و پاككردنەوەی رێگا و شەقامە گشتییەکانی شار.
زۆر سوپاس بۆ هەموو ئەو خەڵك و جەماوەرەی لە عەنکاوە و شاری ههولێر بۆ پێشوازی لە قەداسەتی پاپا هاتبوونە سەرشەقام، جارێکی تر سوپاس بۆ هەموو لایەکتان و هەموو ئەوانەشی لە مەراسیمی پێشوازیکردن و سەردانی قەداسەتی پاپا فرانسیس لەشارەکەمان ئەرکیان کێشا لەسەرجەم پێکهاتە و ئاین و چین و توێژەکان، کە هۆکاری سەرکەوتنی بەرنامەکانی ئەو میواندارییە بوون.
ئومێد خۆشناو
پارێزگاری هەولێر
2021.3.7
H.B