حەسەن کەعبی: پێویسته دۆخی شنگال ئاسایی بكرێتهوه
"شنگال لە ناکۆکییە سیاسییەکان دووربخرێتەوە"
K24 - ھەولێر
حەسەن کەعبی، جێگری سەرۆکی ئەنجومەنی نوێنەرانی عێراق، داوای ئاساییکردنەوەی دۆخی شنگال و ئاوەدانکردنەوەی دەکات.
لە میانی پێشوازیکردنی لە شاندێکی کوردانی ئێزدی قەزای شنگال، حەسەن کەعبی جێگری سەرۆکی ئەنجومەنی نوێنەرانی عێراق داوای کرد، شنگال لە ناکۆکییە سیاسییەکان دووربخرێتەوە و فەرماندەی گشتی هێزە چەکدارەکانی عێراق، سەرپەرشتی راستەوخۆی دۆسیەی ئەو شارە بکات.
هەروەها کەعبی داواشی کرد، دۆخی شنگال ئاسایی بکرێتەوە و دەست بە ئاوەدانکردنەوەی شارەکە بکرێت.
ئەمە لەكاتێكدایە بۆ ئاساییكردنەوەی دۆخی شنگال، رێككەوتن لەنێوان حكومەتی ھەرێمی كوردستان و حكومەتی عێراق واژۆ كراوە، بەڵام تائێستا حكومەتی عێراق رێككەوتنەكەی جێبەجێ نەكردووە.
