عێراق یەکەم وڵاتی هاوردەکاری بەرهەمی ئاژەڵییە لە تورکیا

K24 – ھەولێر:

کۆمەڵەی بەرهەمەکانی ئاژەڵی بڵاویکردەوە، عێراق لەریزبەندی یەکەمی ئەو وڵاتانەیە، كە زۆرترین بەرهەمی ئاژەڵیی لە تورکیا هاوردەکردووە.

کۆمەڵەی بەرهەمە ئاژەڵییەكانی تورکیا لەراپۆرتێکدا ئاشکرایکردووە، لەچاره‌كی یەکەمی ئەم ساڵ و بەراورد بەهەمان ماوەی ساڵی رابردوو، ئاستی هەناردەی بەرهەمەکانی ئاژەڵی تورکیا بۆ بازاڕەکانی جیهان 12.45٪ زیادیکردووە و گەیشتووەتە سەرووی 674 ملیۆن دۆلار.

ئاماژەی بەوەشکرد، ئەو پێنج بەرهەمەی هەناردەی عێراق کراون، پێکهاتووە لە گۆشتی ماسی، گۆشتی مریشک، هێلکە، بەرهەمە سپیاییەکان و هەنگوین، داهاتەکەشی گەیشتووەتە 92 ملیۆن دۆلار.

عێراق گەورەترین هاوردەکاری بەرهەمە کشتوکاڵی و ئاژەڵییەکانی تورکیا و ئێرانە، لەماوەی رابردووشدا وەزاەتی کشتوکاڵ بەشێک لە هاوردەکانی قەدەغە کرد.