بەرپرسی سیاسەتی دەرەوەی یەکێتی ئەوروپا سەردانی هەرێمی کوردستان دەکات
یەکێتی ئەوروپا چاودێری هەڵبژاردنی عێراق دەکات
کوردستان
هەڵبژاردنەکانی عێراق
جۆزێپ بۆرێڵ بەرپرسی سیاسەتی دەرەوەی یەکێتی ئەوروپا
هەڵبژاردنی پێشوەختە
K24 - هەولێر
جۆزێپ بۆرێڵ، بەرپرسی سیاسەتی دەرەوەی یەکێتی ئەوروپا سەردانی هەرێمی کوردستان دەکات و لەگەڵ بەرپرسانی باڵای هەرێمی کوردستان کۆدەبێتەوە.
وەزارەتی دەرەوەی عێراق رایگەیاند، بڕیارە ئەمڕۆ دووشەممە جۆزێپ بۆرێڵ، بەرپرسی سیاسەتی دەرەوەی یەکێتی ئەوروپا سەردانی عێراق بکات و لە بەغدا لەگەڵ فوئاد حوسێن وەزیری دەرەوەی عێراق کۆببێتەوە.
بڕیاریشە رۆژی سێشەممە 7/9/2021، بۆرێڵ سەردانی هەرێمی کوردستان بکات و لە هەولێر لەگەڵ بەرپرسانی باڵای هەرێمی کوردستان کۆببێتەوە.
سەردانەکەی بۆرێڵ لەکاتێکدایە، وادەی پڕۆسەری دەنگدان بۆ هەڵبژاردنی عێراق نزیکبووەتەوە. عێراق و یەکێتی ئەوروپا رێککەوتنیان هەیە بۆ ناردنی چاودێر بۆ سەر سندووقەکانی دەنگدان و چاودێریکردنی هەڵبژاردنی پێشوەختە کە لە 10ی ئۆکتۆبەری ئەمساڵ بەڕێوەدەچێت.
