ئەڵمانیا و دانیمارک 48 ژن و منداڵی داعش لە رۆژئاوای کوردستان دەگوازنەوە
"ژنەکان دادگایی دەکرێن"
K24 - هەولێر
ئەڵمانیا و دانیمارک 48 ژن و منداڵی چەکدارانی داعشیان لە رۆژئاوای کوردستانەوە گواستەوە وڵاتەکانیان.
هایکۆ ماس، وەزیری دەرەوەی ئەڵمانیا رایگەیاند، حکومەتی وڵاتەکەی 8 ژنی چەکدارانی داعش و 23 منداڵیان لە باکووری رۆژهەڵاتی سووریاوە گواستووەتەوە.
گوتیشی "ئەو منداڵانە بەرپرس نین لە تاوانی دایک و باوکیان و تەنیا ژنان سزا دەدرێن".
ئاشکراشی کرد "لە کاتی گەیشتینیان بە ئەڵمانیا ئەو ژنانە دەستبەسەر کراون و دادگایی دەکرێن".
وەزیری دەرەوەی ئەڵمانیا راشیگەیاند، پرۆسەی گواستنەوەی ئەو منداڵ و ژنانە بە هاوکاری ئەمەریکا بوو و دانیمارکیش توانیی لەو پڕۆسەیەدا 3 ژن و 14 منداڵ بگەڕێنێتەوە وڵاتەکەی.
سەرچاوە: سپوتنیک