نووسينگهى سهرۆكى پارتى روونكردنهوهيهك لهسهر قسهكانى محهممهد ساڵح جومعه دهدات
K24 – ههولێر:
سهبارهت به بۆچوونه تايبهتييهكانى محهممهد ساڵح جومعه، نووسينگهى سهرۆكى پارتى ديموكراتى كوردستان له روونكردنهوهيهكدا رايگهياندووه، ناوبراو هیچ سیفەتێكی رەسمی و سیاسی نزیك لە سەرۆك بارزانی نییە و لێدوان و بۆچوونەكانی بە هیچ شێوەیەك تەعبیر لە سیاسەتی سەرۆك بارزانی و پارتی دیموكراتی كوردستان ناكەن.
دهقى روونكردنهوهكه:
روونكردنەوەیەك لە راگەیاندنی نووسینگەی سەرۆكی پارتی دیموكراتی كوردستان
د. محەممەد ساڵح جومعه لە دیمانەیەكدا كە ماڵپەڕی رۆژئاوانیوز و چەندین سایتی دیكە بڵاویان كردووەتەوە، بە سیفەتی راوێژكاری سیاسیی سەرۆك بارزانی هەندێ بۆچوونی لەبارەی بارودۆخی سیاسیی ناوچەكە و پەیوەندیی حزبە كوردستانییەكان لەگەڵ وڵاتانی هەرێمایەتی خستووەتەڕوو.
لێرەدا رایدەگەیێنین كە د. محەممەد ساڵح جومعە هیچ سیفەتێكی رەسمی و سیاسی نزیك لە سەرۆك بارزانی نییە و لێدوان و بۆچوونەكانی بە هیچ شێوەیەك تەعبیر لە سیاسەتی سەرۆك بارزانی و پارتی دیموكراتی كوردستان ناكەن، ئەوەی لەو چاوپێكەوتنەدا باسی كردووە رای شەخسی خۆیەتی.
سیاسەتی پارتی لەبارەی وڵاتانی هەرێمایەتی ڕوونە و لەسەر بنەمای ڕێزگرتن و كاركردن بۆ سەقامگیری و ئاشتی دامەزراوە. لەگەڵ حزبە كوردستانییەكانیش بڕوای بە یەكڕیزی و خەباتی هاوبەش لەپێناو بەرژەوەندییە باڵاكانی گەلەكەمان هەیە و پێزانینی بۆ خەبات و قوربانیدانی لایەنە سیاسییەكانی كوردستان هەیە.
راگەیاندنی نووسینگەی سەرۆكی پارتی دیموكراتی كوردستان
5ـی 6ـی 2016