خشته‌یه‌كی نوێی مووچه راگه‌یه‌ندرا
به‌غدا 200 ملیاره‌كه‌ی نه‌نارد
K24- هه‌ولێر:
سه‌رچاوه‌یه‌ك له گه‌نجینه‌ی هه‌رێم به كوردستان 24ـی راگه‌یاند، سبەی یەکشەممە 19-12-2021، مووچەی وەزارەتی شارەوانی و گەشت گوزار و وەزارەتی کارەبا دابه‌ش ده‌كرێت.
ئه‌و سه‌رچاوه راشیگه‌یاند، رۆژی دووشەممە 20-12-2021 مووچەی سەرۆکایەتی هەرێم، سەرۆکایەتی پەرلەمان، ئەنجومەنی وەزیران و خانەنشینی پێشمەرگە خه‌رجده‌كرێت.
گه‌نجینه‌ی هه‌رێم ئاماژه‌یپێكرد، رۆژی سێشەممە 21-12-2021 مووچەی خانەنشینی شارستانی بۆ مانگی 11-2021 دابەش دەکرێت.
وه‌زاره‌تی دارایی و ئابووری حكومه‌تی هه‌رێمی كوردستان روونكردنه‌وه‌یه‌كی بڵاوكرده‌وه تێیدا رایگه‌یاند، به‌داخه‌وه وه‌زاره‌تی دارایی عێراق (200) ملیاره‌كه‌ی تا ئێستا نه‌ناردووه، بۆیه دابه‌شكردنی مووچه له‌سه‌ر داهاتی ناوخۆی هه‌رێمی كوردستان دابه‌شده‌كرێت.