لە یاریەکی دۆستانەدا.. یاریزانێک لەلایەن گۆڵچی تیمی بەرامبەرەوە کوژرا

K24 - هەولێر:

گەنجێک بەناوی حسێن سەعدون لە یاریەکی دۆستانەدا بەهۆی گۆڵکردن لەکاتی زیادکراودا، لەلایەن گۆڵچی تیمی بەرامبەرەوە کوژرا.

بە گوێرەی میدیا عێراقییەکان، دوای رێکخستنی یاریەکی تۆپی پێ لەلایەن ژمارەیەک گەنج لە ناحیەی نهروان سەر بە پارێزگای بەغدا، یاریزانێک بەناوی حسێن سەعدون لەکاتی زیادکراودا گۆڵێکی لە تیمی بەرامبەر کردووە و دواتر لەلایەن گۆڵچی تیمی بەرامبەرەوە کوژراوە.

خێزانی کوژراوەکە دەڵێن: "ئەوان هاتن و لەسەر یاری تۆپی پێ کوشتیان، ئەوان 7 منداڵییان بێ باوک کرد، داوا لە مستەفا کازمی دەکەین ئاگاداری کەیسەکەمان بێت و نەهێڵێت بەلاڕێدا ببرێت".