بە ڤیدیۆ.. ئۆتۆمبێلێک لە پەخشی راستەوخۆدا پەیامنێرێك دەشێلێت

K24 - هەولێر:

پەیامنێری کەناڵێکی تەلەڤزیۆنی ئەمەریکی لە پەخشی راستەوخۆدا لەکاتی رووماڵی هەواڵی بڕانی ئاوی ویلایەتی وێست ڤێرجینیا، لەلایەن ئۆتۆمبێلەکەوە لێی دەدرێت و دەکەوێت بە زەویدا.

تۆری یۆرگی، پەیامنێری کەناڵی تەلەفزیۆنی " WSAZ" لەکاتی رووماڵی هەواڵی بڕانی ئاوی ویلایەتی وێست ڤێرجینیا، لە پەخشی راستەوخۆدا ئۆتۆمبێلێک لێی دەدات و دەیدات بە زەویدا.

تێم، ئەو بێژەرەی لە ستۆدیۆی کەناڵەکە لەگەڵ تۆری قسە دەکات، بە بینینی رووداوەکە تووشی شۆک دەبێت، بەڵام راستەوخۆ دوای رووداوەکە تۆری هەڵدەستێتەوە و دەڵێت "من باشم، ئۆتۆمبێل لێی دام، بەڵام من باشم".

تۆری دوایی رووداوەکە بەردەوام دەبێت لەسەر رووماڵ و دەڵێت " جارێکی دیکە لە زانکۆ ئۆتۆمبێل لێی دام، دەزانیت ئەمە کۆتا هەفتەی کارکردنم بوو لەم کەناڵە، هەموو ژیانم بە بەر چاومدا رۆیشت".

Penn State grad Tori Yorgey was hit by a car on live television last night and STILL finished her report like an absolute champ

The Penn State difference😤

pic.twitter.com/KMGLdw12kP

— Barstool Penn State (@PSUBarstool) January 20, 2022

H.H