رۆبۆتى هاوشێوه‌ى مرۆڤ بره‌وى زياتريان په‌يدا كردووه‌

K24 – هه‌ولێر:

تا دێت جيهانى تايبه‌ت به‌ رۆبۆته‌كان فراوانتر ده‌بێت و رۆژانه‌ بايه‌خده‌رانى ئه‌و بواره‌ سه‌رقاڵى داهێنانى نوێن.

له‌م دواييانه‌ رۆبۆتى كارلێكى كه‌ له‌ شێوه‌ى كه‌سايه‌تييه‌ جيهانييه‌كان و ئه‌ستێره‌كانى هۆليوود و تۆپى پێ و هونه‌ر درووستده‌كرێن ره‌واجێكى زياتريان هه‌يه‌.

ماوه‌ى ساڵ و نيوێكه‌ كۆمپانيايه‌كى چينيى له‌ هۆنك كۆنگ سه‌رقاڵى په‌ره‌پێدانى رۆبۆتى كارلێكييه‌ و بۆ يه‌كه‌مجار له‌ 31ى مارس/ ئازارى 2016 له‌ پيشانگه‌يه‌كى په‌كيندا نمايشكران و ئه‌و پرۆژه‌يه‌ له‌ ساڵ و نيوى رابردوودا 51 مليۆن دۆلارى تێدا خه‌رجكراوه‌.