وێنه‌گره‌كه‌ی ئۆباما: له‌ ماوه‌ی سه‌رۆكایه‌تیدا 2 ملیۆن وێنه‌ی ئۆبامام گرتووه‌

K24 - هه‌ولێر:

وێنه‌گره‌كه‌ی ئۆباما باس له‌و وێنانه‌ ده‌كات كه‌ له‌ماوه‌ی هه‌شت ساڵی رابردوودا، گرتوویه‌تی.

پیتی سوزا، ئه‌و پیاوه‌ی له‌ هه‌شت ساڵی رابردوودا، ژیانی خۆی بۆ به‌ دۆكیومێنتكردنی كاروچالاكییه‌كانی كه‌سی یه‌كه‌می ئه‌مه‌ریكا ته‌رخان كردووه‌، ده‌ڵێت: "نزیكه‌ی 2 ملیۆن وێنه‌ی ئۆبامام گرتووه‌".

پیتی له‌ باره‌ی وێنه‌كانه‌وه‌ بۆ ته‌له‌ڤزیۆنی "BBC" ده‌ڵێت: "بۆ هه‌ر كار و چالاكییه‌ك من وێنه‌ی یه‌كجار زۆر ده‌گرم و له‌وانه‌یه‌ له‌ماوه‌ی ئه‌و هه‌شت ساڵه‌ی سه‌رۆكایه‌تی باراك ئۆبامادا، نزیكه‌ی دوو ملیۆن وێنه‌م گرتبێت".

پیتی سوزا، كه‌ پێشتر له‌ ساڵه‌كانی 1983-1989 به‌ فه‌رمی وێنه‌گری رۆناڵد ریگن بووه‌، باس له‌ یه‌كه‌م وێنه‌ی ئۆباما ده‌كات و ده‌ڵێت: "له‌ ساڵی 2005 یه‌كه‌م وێنه‌ی ئۆباما-م گرت، ئه‌و له‌ نزیك چوار گۆشه‌یه‌كی سوور پیاسه‌ی ده‌كرد و له‌ راڕه‌وه‌كه‌ ده‌سووڕایه‌وه‌ و كه‌س نه‌یده‌زانی ئۆباما كێیه‌".

هه‌روه‌ها گوتی: "ته‌نها دوای چوار ساڵ، ئۆباما وه‌ك 44ه‌مین سه‌رۆكی ئه‌مه‌ریكا هه‌ڵبژێردرا".