وەزیری منداڵانی بەریتانیاش دەستی لەکارکێشایەوە

K24 - هەولێر

دوای دەستلەکارکێشانەوەی ساجید جاڤید وەزیری تەندروستی و ریشی سۆناک وەزیری دارایی بەریتانیا، بەیانی ئەمڕۆ وێل کوینس، وەزیری منداڵانی بەریتانیاش دەستی لەکارکێشایەوە.

ئاژانسی رۆیتەرز بڵاوکردوەتەوە، وەزیری تەندروستی بەریتانیا هۆکاری دەستلەکارکشاندنەوەکەی بۆ ئەوە گەڕاندووەتەوە، کاتی گەرمەی تەشەنەسەندنی پەتای کۆرۆنا و کەرەنتیەی گشتی، بۆریس جۆنسن، سەرۆکوەزیرانی بەریتانیا پێشێلی یاسای کردووە و ئاهەنگی بەکۆمەڵی گێڕاوە، ئەمەش وەک ئابڕوچوونێک بووە و بەهۆیەوە جاڤید رووبەڕووی رەخنەگرتنێکی زۆری رای گشتی کۆمەڵگەی بەریتانیا بووەتەوە.

هەروەها وەزیری گەنجینە لە پەیامی دەستلەکارکشاندنەوەکەیدا رەخنەی لەسیاسەتی بەڕێوەبردنی وڵات گرتووە و رایگەیاندووە، کە ئەم سیاسەتەی ئێستا هەیە، لەئاست خواستەکانی هاووڵاتیانی بەریتانیا نییە.