پەیامی سەرەخۆشیی سەرۆك بارزانی بۆ کۆچی دوایی عەلی قازی

K24 – هه‌ولێر:

سه‌رۆك مه‌سعود بارزانی، بۆ كۆچی دوایی عه‌لی قازی، كوڕی پێشه‌وا قازی محه‌ممه‌د، په‌یامێكی سه‌ره‌خۆشی ئاراسته‌ی بنه‌ماڵه‌ی پێشه‌وا قازی كرد.

ده‌قی په‌یامه‌كه‌

بەناوی خودای مەزن و دلۆڤان

بەداخێکی زۆرەوە هەواڵی کۆچی دوایی (کاک عەلی قازیی کوڕی پێشەوا قازی محەمەد)ـم بیست.

پرسە و سەرەخۆشیی خۆم ئاراستەی بنەماڵەی تێکۆشەر و نیشتیمانپەروەری پێشەوا قازی دەکەم و خۆم بە هاوبەشی خەمیان دەزانم.

لە خودای گەورە داواکارم ڕۆحی خوالێخۆشبوو کاک عەلی قازی بە بەهەشتی بەرین شاد بکات و سەبر و ئارامی بە هەموو لایەک ببەخشێت.

انا للە و انا الیە راجعون

مسعود بارزانی

10ـی تەمموزی 2022