ئەعرەجی کشانەوەی لە کاندیدبوون بۆ پۆستی سەرۆک وەزیرانی عێراق راگەیاند
"بنبەستی سیاسی نۆ مانگی رابردوو زیانی بە بەرژەوەندییەکانی گەل و نیشتیمان گەیاندووە"
K24 - هەولێر:
قاسم ئەعرەجی، راوێژکاری ئاسایشی نیشتمانی عێراق لە بەیاننامەیەکدا کشانەوەی لە کاندیدبوون بۆ پۆستی سەرۆک وەزیرانی عێراق راگەیاند و گوتی: "من پێموایە نیشتیمان شایەنی قوربانیدانە".
قاسم ئەعرەجی لە بەیاننامەکەیدا باس لەوە دەکات، "ماوەی نۆ مانگە پرۆسەی سیاسی بنبەستێکی وای بەخۆیەوە بینیووە، کە زیانی بە بەرژەوەندییەکانی گەل و نیشتیمان گەیاندووە".
قاسم ئەعرەجی سوپاسی لیژنەی چوارچێوەی هەماهەنگی کرد بۆ کاندیدکردنی، لەهەمانکاتدا کشانەوەی خۆی لە کاندیدبوون بۆ پۆستی سەرۆک وەزیرانی عێراق راگەیاند.