فهلهستينييهكان: لهسهر حسابى ئێمه توركيا لهگهڵ ئيسرائيل رێككهوتووه
تورکیا بە شکاندنی رێککەوتنەکەی پێشتری لەگەڵ بەرپرسانی فەلەستیندا واژوی کردبوو تۆمەتبار دەکەن.
K24 – ههولێر:
فەلەستینیەکان رەخنە لە رێککەوتنەکەی ئیسرائیل و تورکیا دەگرن و دەڵێن ئاسایکردنەوەی پەیوەندییەکانی ئەو دوو وڵاتە لەسەر حسابی خەڵکی فەلەستینە. تورکیا بە شکاندنی رێککەوتنەکەی پێشتری لەگەڵ بەرپرسانی فەلەستیندا واژوی کردبوو تۆمەتبار دەکەن. ئاماژە بەوە دەکەن رێککەوتنی نێوان ئیسرائیل و تورکیا دەبێتە ھۆی زیاتر دابڕانی کەرتی غەززە.
ئیسرائیل و تورکیا ئاسایی کردنەوەی پەیوەندییەکانیان راگەیاند. لە رۆما بنیامین ناتەنیاھۆ سەرۆک وەزیرانی ئیسرائیل رایگەیاند ئاسایی بوونەوە پەیوندییەکانی ئیسرائیل و تورکیا سەقامیگری بۆ رۆژھەڵاتی ناوەڕاست دەگێڕێتەوە. لە بەرامبەردا بن عهلى یەڵدرم لە ئەنقەرەوە ئاسایی بوونەوەی پەیوەندییەکانی وڵاتەکەی و ئیسرائیلی راگەیاند.
خەڵکی فەلەستین و کەرتی غەززە کە بەھۆی ئەوانەوە پەیوەندی نێوان ئیسرائیل و تورکیا تێکچووە دەڵێن رێککەوتنی ئەو دوو وڵاتە لەسەر حسابی خەڵکی فەلەستینەوە و تەنھا بەرژەوەندی خۆیان لە بەرچاو گرتووە.
شەش ساڵ لەمەوبەر و ساڵی ٢٠١٠ ھێزێکی کۆماندۆی ئیسرائیل ھێرشیان کردەسەر کەشتیەکی تورکیا لە دەریای مەڕمەڕە کە دەیویست ھاوکاری بگەيهنێتە کەرتی غەززە و بەھۆیەوە 9 ھاووڵاتی تورکی گیانیان لەدەستدا. ئەمەش بووە ھۆی تێکچوون و پچڕانی پەیوەندییەکانی ئيسرائیل و تورکیا.