تەقینەوەیەك لە پایتەختی ئەرمینیا روویدا
تەقینەوەکە زیانی گیانی هەبووە
K24 - هەولێر:
وەزارەتی فریاکەوتنی ئەرمینیا تایبەت بە بارە نائاساییەکان رایگەیاند، لە یەکێك لە ناوچەکانی یەریڤانی پایتەختی ئەرمینیا تەقینەوەیەك روویداوە و زیانی گیانی هەبووە.
لە بەیاننامەیەکی وەزارەتەکەدا هاتووە، "ئەمڕۆ یەکشەممە (9ـی تشرینی یەکەمی 2022) کاتژمێر 9:15 خولەكی بەیانی، ناوەندی نیشتیمانی بۆ قەیرانەکان زانیاری لەسەر رووداوێکی تەقینەوە لە شەقامی باگراتونیاتس لە یەریڤان پێگەیشتووە.
ئاماژەی بەوەشدا، لە شوێنی تەقینەوەکە ئاگر کەوتووەتەوە و لەئاکامی تەقینەوەکەدا چەند کەسێك برینداربوون.
بە گوێرەی زانیارییەکانی وەزارەتەکەی ئەرمینیا، لە تەقینەوەکەدا دوو کەس برینداربوون کە دواتر بەمەبستی وەرگرتنی چارەسەر گەیەندراونەتە سەنتەری نیشتمانی سوتان.