فەرماندەی ئۆپهراسیۆنه هاوبهشهكان کوشتنی 12 تیرۆریستی راگەیاند
K24 - هەولێر
فهرماندهی ئۆپهراسیۆنه هاوبهشهكانی عێراقی كوشتنی 12 تیرۆریستی له سێ پارێزگا راگهیاند.
له بهیاننامهیهكدا، قهیس محەممەداوی، جێگری فهرماندهی ئۆپهراسیۆنه هاوبهشهكانی عێراقی رایگهیاند، له چهند ئۆپهراسیۆنێكی پیاده و ئاسمانیدا 12 تیرۆرست له دیاله، ئهنبار و كهركووك كوژراون.
له بهیاننامهكهدا هاتووه، دوای زانیاری ههواڵگری ورد و دوای بهدواداچوون بۆ ماوهی سێ رۆژ له بۆسهیهكدا، هێزهكانیان توانییان سێ تیرۆرست له ناوچهی وادی شای له سنووری كهركووك بكوژن.
ههروهك گوتیشی: له ئۆپهراسیۆنێكی دیكهدا هێزهكانیان سێ تیرۆرستیان له ناوچهی كوبهیسه كوشتووه، كه یهكێكیان پشتێنهی بۆمبڕێژكراوی بهستبوو، هاوكات شەش تیرۆریستی دیكهش له سنووری پارێزگای دیاله كوژراون.