بوومەلەرزەیەک بە گوڕی 4.5 پلە لە پارێزگاری نەینەوا روویدا

K24 - هەولێر:

ئەمڕۆ بوومەلەرزەیەک بە گوڕی 4.5 پلە لە پارێزگاری نەینەوا روویدا و سێ بوومەلەرزەش باکووری کوردستان و لوبنانی و باشووری ئێرانی هەژاند.

دەستەی کەشناسی و بومەلەرزەزانی عێراق رایگەیاند، ئەمڕۆ كاتژمێر 10:09 خولەك بە كاتی ناوخۆ بوومەلەرزەیەک بە گوڕی 4.5 پلە بە دووری 39 کم لە باشووری رۆژئاوای قەزای حەزەری پارێزگای نەینەوا روویدا و دانیشتووانی ناوچەكەش ھەستیان پێكردووە.

دەستەكە هیچ زانیارییەک لەبارەی زیانەکانی بوومەلەرزەكە نەداوە.

ئەمەش لەكاتێكدایە، ھەر ئەمڕۆ سێ بوومەلەرزە باکووری کوردستان و لوبنانی و باشووری ئێرانی هەژاند.