زیلێنسکی فەرماندەی هێزە هاوبەشەکانی ئۆکرانیای لەسەر کار لابرد
K24 - هەولێر:
ڤۆلۆدیمیر زیلێنسکی، سەرۆکی ئۆرکانیا بە نووسراوێکی فەرمی فەرماندەی هێزە هاوبەشەکانی ئۆکرانیای لەسەر کار لابرد.
بەپێی نووسراوێکی سەرۆکایەتی ئۆکرانیا کە لەلایەن زیلێنسکیەوە واژووکراوە، ئیدوارد مۆسکالیڤ، فەرماندەی هێزە هاوبەشەکانی ئۆکرانیا و سەرپەرشتیاری بەرەی جەنگ لە دۆنباس لە پۆستەکەی دوورخرایەوە.
ڤۆلۆدیمیر زیلێنسکی تا ئێستا هیچ روونکردنەوەیەکی سەبارەت بە دوورخستنەوەی فەرماندەی هێزە هاوبەشەکان بڵاونەکردووەتەوە.
ئیدوارد مۆسکالیڤ، مانگی ئازاری ساڵی رابردوو و پاش تێپەڕبوونی چەند رۆژێک بەسەر لەشکرکێشییەکەی رووسیا بۆ سەر ئۆکرانیا وەک فەرماندەی هێزە هاوبەشەکانی ئۆکرانیا دەستنیشانکرا.