کەنەدا سزای بەرپرسانی هێزە ئەمنییەکانی ئێران لە رۆژهەڵاتی کوردستان دەدات
K24 - هەولێر:
وەزارەتی دەرەوەی کەنەدا بڵاویکردەوە، 12 کەسایەتی ئێرانی خستووەتە لیستی گەمارۆکانیەوە.
وەزارەتی دەرەوەی کەنەدا ئاماژەی بەوەکردووە، ئەو 12 کەسە ئەندامانی سوپای پاسداران و هێزەکانی پۆلیسی ئێران و بەهۆی پێشێلکردنی مافەکانی مرۆڤ و پشێوییەکانی ئەم دوایە خراوەنەتە لیستی سزاکاناوە.
لەنێو لیستەکەدا ئەم کەسایەتییانە هەن:
- مورتەزا میر ئاغایی، فەرماندەی هێزە نیمچە سەربازییەکانی بەسیج لە شاری سنە.
- ئیسماعیل زارعی کووشە، پارێزگاری سنە.
- سەید سادق حوسێنی، جەنەراڵ و فەرماندەی فەیلەقی بەیتولموقەدەس سەر بە سوپای پاسداران لە پارێزگای سنە.
- رەحیم جەهانباخش، فەریقی هێزی ئینتیزامی پاریزگای ورمێ.
دوای گیانلەدەستدانی ژینا ئەمینی لە نەخۆشخانە، خۆپیشاندان و ناڕەزایەتی لە رۆژهەڵاتی کوردستان شارەکانی ئێران دەستیپێکرد و تا ئێستا بەردەوامییان هەیە.
لە ماوەی رابردووشدا بە پاساوی سەرکوتکردنی خۆپیشاندەران، دەیان بەرپرسی باڵا و دامەزراوەی ئێران لەلایەن وڵاتانی جیهانەوە خرانە لیستی سزاکان و گەمارۆیان بەسەردا سەپێندرا.