عێراق.. دەستگیرکردنی چوار تیرۆریستی داعش راگەیەندرا
K24 - هه‌ولێر:
وەزارەتی بەرگریی عێراق رایگەیاند، لە میانی زنجیرەیەک ئۆپەراسیۆندا لە پارێزگاکانی کەرکووک، سەڵاحەددین، بەغدا و ئەنبار چوار تیرۆریستی داعش دەستگیرکراون.
وەزارەتی بەرگریی عێراق لە راگەیەندراوێکدا ئاماژەی بەوەداوە، ھێزەکانی سەربە بەڕێوەبەرایەتیی ھەواڵگریی و ئاسایش لە وەزارەتی بەرگریی، زنجیرەیەک ئۆپەراسیۆنیان لە پارێزگاکانی کەرکووک، سەڵاحەددین، بەغدا و ئەنبار ئەنجامداوە.
راشیگەیاندووە کە لە میانی ئۆپەراسیۆنەکاندا، چوار تیرۆریستی داعش دەستگیرکراون.
باسی لەوەش کردووە، تیرۆریستە دەستگیرکراوەکان پاڵپشتی لۆجستییان بۆ تیرۆریستانی داعش دابین کردووە.
