تۆمهتبارێك له بهغدا ههوڵیداوه منداڵێك به 13 ههزار دۆلار بفرۆشێت
K24 - هەولێر:
ئهمرۆ دووشەممە، دەزگای هەواڵگری و لێکۆڵینەوەی فیدراڵی لە وەزارەتی ناوخۆی عێراق دەستگیرکردنی چوار تۆمەتباری بە تاوانی جۆراوجۆر لە پارێزگاکانی بەغدا و ئەنبار راگەیاند، کە یەکێک لەوانە هەوڵی فرۆشتنی منداڵێکی داوە.
لە راگەیەندراوێکی دەستەی دەستپاکی عێراقدا هاتووە، " کەسێکیان دهستگیركردووه کە تۆمەتبارە بە تاوانی هەڵگرتنی بڕە پارەیەکی ساختە بە بڕی 17 ملیۆن و 625 هەزار دینار له جۆری بیست و پێنج هەزار دیناری".
لە راگەیەندراوەکەدا ئاماژە بەوەشکراوە، "تۆمەتبارێکی دیكهیان لە پارێزگای بەغدا دهستگیركردووه به تۆمەتی ئهوهی منداڵێكی تەمەن سێ مانگی پێبووه و هەوڵیداوه بە 13 هەزار دۆلار بیفرۆشێت ".
ئەوەش خراوەتەڕوو، کە دوو تۆمەتباری دیكه بە تۆمەتی بازرگانیکردن بە شوێنەوارەوە دەستگیرکراون.