هیندستان.. رێژه‌ی گیانله‌ده‌ستدان به‌هۆی گه‌رماوه بۆ 98 كه‌س به‌رزبووه‌وه
K24 - هەولێر:
بەهۆی ئەو شەپۆلی گەرمایەی رووی لە هیندستان کردووە، تا ئێستا 98 کەس گیانیان لەدەستداوە.
بەپێی هەواڵێکی هیندستان تایمز، لە ویلایەتی ئوتار پرادێش 54 کەس و لە ویلایەتی بیهار 44 کەس بەهۆی گەرمای لە رادەبەدەرەوە گیانیان لەدەستداوە.
حکومەتی ویلایەتی ئوتار پرادێش، لە راگەیەندراوێکدا بڵاویکردەوە، کە لێکۆڵینەوە لە گیانلەدەستدانەکان دەستیپێکردووە.
ئاماژە بەوە کرا، کە لەو دوو ویلایەتە پلەکانی گەرما گەیشتووە 45 پلەی سەدی.
لە پتنای پایتەختی ویلایەتی بیهار، دەوام لە تەواوی قوتابخانەکان تا 24ی حوزەیران کراوەتە پشوو.
