راگەیاندراوێک لە گوتەبێژی پارتی دیموکراتی کوردستانەوە

K24 – هەولێر:

لە راگەیەندراوێکدا، گوتەبێژی پارتی دیموکراتی کوردستان ئیدانەی هەڵکوتانەسەر و سووتاندنی باڵیۆزخانە وڵاتی سوید لە بەغدا دەکات و هاوکات ئیدانەی سووتاندنی قورئانی پیرۆز دەکات و رایگەیاندووە دژی سووتاندن و بێڕێزیکردنین بە پەرتووکە پیرۆزەکانی هەموو ئایینەکان.

رۆژی پێنجشەممە (20ـی تەمموزی 2023)، مەحموود محەممەد، گوتەبێژی پارتی دیموکراتی کوردستان راگەیەندراوێکی بڵاوکردەوە و تێیدا هاتووە، "بەناوی مەکتەبی سیاسیی پارتی دیموکراتی کوردستانەوە ئیدانەی هەڵکوتانەسەر و سووتاندنی باڵیۆزخانە وڵاتی سوید لە بەغدا دەکەین و ئەو ڕەفتارە دژ بە دەستوور و یاسا و ڕێسا نێودەوڵەتییەکان دەزانین".

گوتەبێژی پارتی دیموکراتی کوردستان باسی لەوەشکردووە، لە هەمان کاتیشدا، ئیدانەی سووتاندنی قورئانی پیرۆز دەکەین و دژی سووتاندن و بێڕێزیکردنین بە پەرتووکە پیرۆزەکانی هەموو ئایینەکان و، پشتگیری لە سوودانی و حکومەتی فیدراڵی عێراق دەکەین بۆ گرتنەبەری رێوشوێنی یاسایی بۆ دووبارە نەبوونەوەی ئەم جۆرە کردەوانە.

دەقی راگەیاندراوەکەی گوتەبێژی پارتی دیموکراتی کوردستان

بەناوی مەکتەبی سیاسیی پارتی دیموکراتی کوردستانەوە ئیدانەی هەڵکوتانەسەر و سووتاندنی باڵیۆزخانە وڵاتی سوید لە بەغدا دەکەین و ئەو ڕەفتارە دژ بە دەستوور و یاسا و ڕێسا نێودەوڵەتییەکان دەزانین. لە هەمان کاتیشدا، ئیدانەی سووتاندنی قورئانی پیرۆزدەکەین و دژی سووتاندن و بێڕێزیکردنین بە پەرتوکە پیرۆزەکانی هەموو ئایینەکان و، پشتگیری لە بەڕێز سودانی و حکومەتی فیدراڵی عێراق دەکەین بۆ گرتنەبەری ڕێوشوێنی یاسایی بۆ دووبارە نەبوونەوەی ئەم جۆرە کردەوانە.

مەحموود محەممەد

گوتەبێژی پارتی دیموکراتی کوردستان

20ـی 7ـی 2023