بێستوون عومهر: ههرێمی كوردستان خاڵی سهرنجی توركیایه له سیاسهتی دهرهوهدا

K24 - هەولێر:
وهزیری دهرهوهی توركیا سهردانی عێراق و ههرێمی كوردستانی كرد و لهگهڵ بهرپرسانی باڵای ههردوولا چهندین پرس و تهوهری سیاسی، ئهمنی و ئابوورییان تاووتوێ كرد، هاوكات مامۆستایهكی زانسته سیاسییهكان دهڵێت، توركیا كار دهكات بۆ ئهوهی ههرێمی كوردستان هاوسهنگی عێراق له بهرامبهر ههژموونی ئێران رابگرێت.
بێستوون عومهر نووری، مامۆستای زانسته سیاسییهكان لهبارهی سهردانیهكهی هاوكان فیدان، وهزیری دهرهوهی توركیا بۆ عێراق و ههرێمی كوردستان و كۆبوونهوهكانی لهگهڵ سهرۆك بارزانی، نێچیرڤان بارزانی، سهرۆكی ههرێمی كوردستان و مهسرور بارزانی، سهرۆكی حكومهتی ههرێمی كوردستان تایبهت به كوردستان24 رایگهیاند، سهردانیهكهی فیدان له چوارچێوهی پتهوكردنی پهیوهندییهكانی توركیایه لهسهر ئاستی دهرهوه بهتایبهتی لهگهڵ وڵاتانی دراوسێ و عێراقیش وهك خاڵی جێی سهرنجی ئهنقهره و لهناو عێراقیش ههرێمی كوردستان كه جێی بایهخی زۆری توركیایه له مامهڵهكردن لهگهڵیدا.
ههروهها بێستوون عومهر، سهربارهت به بابهتی ئهمنی وهك یهكێك له تهوهرهكانی گفتوگۆكانی لهگهڵ بهرپرسانی عێراق و ههرێمی كوردستان، روونیكردهوه بواری ئهمنی وابهستهی چهندین پرسی ئهمنییه، بۆ نموونه پرسی ئاو، كه ئهنقهره بهردهوام وهك چهكێكی ئهمنی بهرامبهر به عێراق بهكاریدههێنێت، تهنانهت وهك كارتێكی فشار پرسی ئاو بهرامبهر عێراق دهكاتهوه، بۆ ئهوهی لانی كهم پێگهی خۆی لهناو عێراقدا بهێڵێتهوه، كه ئهو وڵاته زیاتر كهوتووهته ژێر ههژموون و بڕیاری ئێران تهنانهت كه له زۆرێك له بڕیارهكانی بۆ ئێران دهگهڕێتهوه، یان ئێران بڕیارهكانی بۆ دیاری دهكات.
ئهو مامۆستایهی زانسته سیاسییهكان جهختیشیكردهوه، پێگهی ههرێمی كوردستان سهبارهت به توركیا گرنگه، بهتایبهتی كه جگه له گرنگی لایهنه ئابوورییهكهی ههرێمی كوردستان، كار دهكات بۆ ئهوهی لهگهڵ سوننه هاوسهنگی هێز یاخود هاوسهنگی ههڕهشه له بهرامبهر ههژموونی ئێران له عێراق رابگرێت.
پێشنیوەڕۆی ئەمڕۆ پێنجشەممە، 24ـی ئابی 2023، مەسرور بارزانی، سەرۆکی حکومەتی هەرێمی کوردستان پێشوازی لە هاکان فیدان، وەزیری دەرەوەی تورکیا و شاندی یاوەری کرد و دواتر کۆبوونەوەی نێوانیان دەستیپێکرد.
لە کۆبوونەوەکەدا ئاڵپئارسڵان بایراکتار، وەزیری وزە و سامانە سرووشتییەکانی تورکیاش بەشدارە، کە بەیانی ئەمڕۆ بە سەردانێکی ڕانەگەیەندراو گەیشتە فڕۆکەخانەی هەولێر و لەلایەن کەمال محەممەد ساڵح، وەزیری سامانە سرووشتییەکانی حکومەتی هەرێمی کوردستان 'بە وەکالەت' و ئومێد خۆشناو، پارێزگاری هەولێر پێشوازی لێ کرا.
پەیامنێری کوردستان24 لە شوێنی کۆبوونەوەکەوە رایگەیاند، لە کۆبوونەوەی نێوان سەرۆکوەزیرانی هەرێمی کوردستان و وەزیری دەرەوەی تورکیا، پەیوەندییەکانی نێوان هەولێر و ئەنقەرە، هەناردەکردنەوەی نەوتی هەرێمی کوردستان و چەندین پرسی دیکەی پەیوەست بە هەردوولا تاوتوێدەکرێن.
ئەم سەردانەی هاکان فیدان بۆ هەولێر وەک ئامادەکارییەکە بۆ سەردانە چاوەڕوانکراوەکەی رەجەب تەیب ئەردۆغان، سەرۆککۆماری تورکیا بۆ عێراق و هەرێمی کوردستان. دوێنێ چوارشەممە هاکان فیدان بە لەتیف رەشید، سەرۆککۆماری عێراقی راگەیاند، "ئەردۆغان سوورە لەسەر سەردانیکردنی عێراق".